Max Highway Co.,Ltd.၏ လုပ်ငန်းညှိနှိုင်းအစည်းအဝေးပွဲကို (၁၂. ၉. ၂၀၂၅)ရက်နေ့တွင် ကုမ္ပဏီအစည်းအဝေးခန်းမ၌ ကျင်းပပြုလုပ်ခဲ့ပြီး မက်စ်ဟိုင်းဝေးရုံးချုပ်မှ အုပ်ချုပ်မှုတာဝန်ခံများ၊ လမ်းပိုင်းနှင့် တိုးလ်ဂိတ်မှ တာဝန်ရှိသူများတက်ရောက်ဆွေးနွေးခဲ့ကြပါသည်။

ထိုအစည်းအဝေးတွင် လမ်းပိုင်းအလိုက် ဆောင်ရွက်နေဆဲဖြစ်သည့် လုပ်ငန်းအခြေအနေများ၊ လုပ်ငန်းဆောင်ရွက်မှုများတွင် ဖြစ်ပေါ်နေသောအခက်အခဲများ၊ လုပ်ငန်းတိုးတက်မှုအတွက် အရေးပါသည့် အကြံပြုချက်များကို ရှင်းလင်းတင်ပြ ဆွေးနွေးခဲ့ကြပါသည်။

အစည်းအဝေးမှတဆင့် ကုမ္ပဏီ၏ လမ်းပန်းဆက်သွယ်ရေးအတွက် လိုအပ်သောအရည်အသွေးမြှင့်တင်ရေး၊ ဌာနတစ်ခုနှင့် တစ်ခုအကြား၊ ဝန်ထမ်းများအကြား ဆက်သွယ်ညှိနှိုင်းမှု ပိုမိုကောင်းမွန်ရေး၊ လမ်းအသုံးပြုသူများအတွက် ဝန်ဆောင်မှုပိုင်းများအပေါ် ဦးတည်ဆောင်ရွက်သွားရမည့် လုပ်ငန်းအစီအစဉ်နှင့် လုပ်ငန်းဆောင်ရွက်မှုများ ဆက်လက်ဖွံ့ဖြိုးတိုးတက်ရေး အစီအမံများကို ဌာနအလိုက်သတ်မှတ်နိုင်ခဲ့ပါသည်။