Max Highway ကုမ္ပဏီ၏ ၂၀၂၆-၂၇ ဘဏ္ဍာနှစ် ပထမ(၆)လပတ် လုပ်ငန်းညှိနှိုင်းအစည်းအဝေးကို ၂၀၂၆ ခုနှစ် စက်တင်ဘာလ ၂၈ ရက်နှင့် ၂၉ ရက်တို့တွင် ကုမ္ပဏီအစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးတွင် ကုမ္ပဏီအမှုဆောင်အရာရှိများက ကုမ္ပဏီ၏ လုပ်ငန်းဆောင်ရွက်မှုများနှင့် သက်ဆိုင်သည့် အရေးကြီးကိစ္စရပ်များ၊ လုပ်ငန်းများ ပိုမိုထိရောက်အောင်မြင်စွာ ဆောင်ရွက်နိုင်ရေးအတွက် လိုအပ်သည့် အချက်များနှင့်ပတ်သက်၍ အမှာစကားများ ပြောကြားကာ အစည်းအဝေးကို စတင်ခဲ့ကြသည်။

ထို့နောက် သက်ဆိုင်ရာဌာနခွဲများမှ တာဝန်ခံများက မိမိတို့၏ လုပ်ငန်းခွင်အတွင်း ဆောင်ရွက်ထားရှိမှု အခြေအနေများ၊ လုပ်ငန်းလည်ပတ်ဆောင်ရွက်နေမှု အခြေအနေများနှင့် ကြုံတွေ့နေရသည့် လုပ်ငန်းပိုင်းဆိုင်ရာ အခြေအနေများကို အသေးစိတ် ရှင်းလင်းတင်ပြခဲ့ကြသည်။

ဆက်လက်၍ တိုးဂိတ်အသီးသီးနှင့် လမ်းပိုင်းများအလိုက် လက်ရှိဆောင်ရွက်နေသည့် လုပ်ငန်းများအပြင် ဆက်လက်အကောင်အထည်ဖော် ဆောင်ရွက်ရမည့် လုပ်ငန်းရပ်များကို ဆွေးနွေးခဲ့ကြပြီး လုပ်ငန်းများ အချိန်မီပြီးစီးနိုင်ရေး၊ စနစ်တကျနှင့် ထိရောက်စွာ ဆောင်ရွက်နိုင်ရေးအတွက် လိုအပ်သည့် လမ်းညွှန်ချက်များနှင့် ခွင့်ပြုချက်များကို တင်ပြဆွေးနွေးခဲ့ကြကြောင်း သိရသည်။

အဆိုပါ လုပ်ငန်းညှိနှိုင်းအစည်းအဝေးမှတစ်ဆင့် ကုမ္ပဏီ၏ လုပ်ငန်းဆောင်ရွက်မှုများကို ပိုမိုကောင်းမွန်စွာ ပေါင်းစပ်ညှိနှိုင်းနိုင်ရေးနှင့် တိုးဂိတ်များ၊ လမ်းပိုင်းများအလိုက် လုပ်ငန်းများကို ထိရောက်စွာ ဆက်လက် အကောင်အထည်ဖော်နိုင်ရေးတို့အတွက် လုပ်ငန်းစဉ်များကို သက်ဆိုင်ရာ တာဝန်ရှိသူများအကြား ညှိနှိုင်းဆွေးနွေးခဲ့ကြသည်။