မက်စ်ဟိုင်းဝေးကုမ္ပဏီတွင် တာဝန်ထမ်းဆောင်လျက်ရှိသော ဝန်ထမ်းများ၏ သားငယ်၊ သမီးငယ်များ ပညာသင်ကြားရာတွင် အထောက်အကူဖြစ်စေရန် ရည်ရွယ်၍ ၂၀၂၄-၂၀၂၅ ပညာသင်နှစ်အတွက် ပညာသင် ထောက်ပံ့ငွေများနှင့် စာရေးကိရိယာများ ချီးမြှင့်ပေးအပ်ပွဲ အခမ်းအနားကို ၂၀၂၄ခုနှစ် ဇွန်လ ၁၃ရက်နေ့တွင် ပြုလုပ်ခဲ့ပါသည်။ 

ပညာသင် ထောက်ပံ့ကြေး ပေးအပ်ရာတွင် အထက်တန်းကျောင်းသား/သူ (၃၉) ဦး၊ အလယ်တန်း ကျောင်းသား/သူ (၅၄) ဦးနှင့် မူလတန်း ကျောင်းသား/သူ (၂၁၇) ဦး စုစုပေါင်း (၃၁၀) ဦး အတွက် (၃,၉၅၂,၅၀၀) ကျပ် တန်ဖိုးရှိ စာရေးကိရိယာများနှင့် ထောက်ပံငွေ (၂၁,၂၄၀,၀၀၀) ကျပ်ကို ပေးအပ်ခဲ့ရာ ဝန်ထမ်းများမှလည်း ယခုကဲ့သို့ ကုမ္ပဏီ၏ ပံ့ပိုးပေးမှုများအတွက် ကျေးဇူးအထူးတင်ရှိကြောင်း ပြန်လည်ပြောကြားခဲ့ကြသည်။