မက်စ်ဟိုင်းဝေးမိသားစု၏ နှစ်စဉ်ကျင်းပမြဲ စုပေါင်း ထမနဲထိုးပွဲကို ၂၀၂၄ခုနှစ် ဖေဖော်ဝါရီလ ၁၆ရက်နေ့တွင် ပြုလုပ်ခဲ့ရာ ဌာနခွဲ အသီးသီးမှ ဝန်ထမ်းများ တက်ကြွစွာ ပါဝင်လုပ်အားပေးခဲ့ကြသည်။ နံနက်ပိုင်းမှစတင်၍ ထမဲထိုးပွဲကို စတင်ခဲ့ပြီး ပထမဆုံးအိုးမှ ရရှိခဲ့သည့် ထမနဲကို မြတ်စွာဘုရားထံ ရည်မှန်းကာ ဦးဦးဖျားဖျား ဆွမ်းတော်ဆက်ကပ် လှူဒါန်းခဲ့ကြပါသည်။
တပို့တွဲလတွင် လယ်ယာများ ရိတ်သိမ်းပြီးစအချိန်ဖြစ်၍ မိမိတို့လယ်မှ ထွက်ရှိသည့် ကောက်ညှင်းဖြင့် မြတ်စွာဘုရားနှင့် သံဃာတော်များကို ကောက်ဦးအလှူ ဒါနကုသိုလ်ပြုလုပ်ခြင်းနှင့် လူအများ ညီညွတ်မှုဖြင့် စုပေါင်းလုပ်ဆောင်မှ ပြီးမြောက်အောင်မြင်သည့် အဓိပ္ပါယ်ဖြင့် ထမနဲထိုးကြခြင်းဖြစ်သည်။