၂၀၂၄ ခုနှစ်၊ သြဂုတ်လ၊ (၂၂)ရက် (ကြာသပ‌တေးနေ့) တွင် Max Highway မိသားစုများ၏ ဝါဆိုသင်္ကန်း ဆက်ကပ်လှူဒါန်းခြင်း နှင့် ပရိတ် တရားနာယူခြင်းတို့ကို ကျင်းပခဲ့သည်။ အခမ်းအနားတွင် သံဃာတော် အရှင်သူမြတ်များအား နံနက်ပိုင်းတွင် အရုဏ်ဆွမ်း ဆက်ကပ်ပြီး ပရိတ် တရားတော်များ နာယူကြည်ညိုခဲ့သည်။

ဦးစွာပထမ အခမ်းအနားကို နမောတဿ (၃)ကြိမ် ဖွင့်လှစ်ပြီး ကြွရောက်လာကြသော တရားနာ ဧည့်ပရိသတ်များက သြကာသ ကန်တော့ချိုးဖြင့် သံပြိုင်ညီညာ ကန်တော့၍ ဆရာတော်ထံမှ ပရိတ်တရားတော်များ နာယူခဲ့ကြပါသည်။ ယင်းနောက် ဆရာတော် အမှူးပြုသော သံဃာတော်အရှင်သူမြတ်များအား ဝါဆိုသင်္ကန်း နှင့် လှူဖွယ်ဝတ္ထုအစုစုတို့ကို ဆက်ကပ်ခဲ့ကြပြီး ဆရာတော်မှ ရေစက်ချတရား ဟောကြားခဲ့ပြီးနောက် ကုသိုလ်ကောင်းမှု အစုစုတို့အတွက် အမျှ‌ပေးဝေခဲ့ကြသည်။