မက်စ်ဟိုင်းဝေးကုမ္ပဏီတွင် တာဝန်ထမ်းဆောင်လျက်ရှိသော ဝန်ထမ်းများ၏ သားငယ်၊ သမီးငယ်များ ပညာသင်ကြားရာတွင် အထောက်အကူဖြစ်စေရန် ရည်ရွယ်၍ ၂၀၂၅-၂၀၂၆ ပညာသင်နှစ်အတွက် ပညာသင် ထောက်ပံ့ငွေများနှင့် စာရေးကိရိယာများ ချီးမြှင့်ပေးအပ်ပွဲ အခမ်းအနားကို ၂၀၂၅ခုနှစ် ဇွန်လ ၅ရက်နေ့တွင် ပြုလုပ်ခဲ့ပါသည်။

ပညာသင် ထောက်ပံ့ကြေး ပေးအပ်ရာတွင် အထက်တန်းကျောင်းသား/သူ (၁၆) ဦး၊ အလယ်တန်း ကျောင်းသား/သူ (၃၃) ဦးနှင့် မူလတန်း ကျောင်းသား/သူ (၁၇၀) ဦး စုစုပေါင်း (၂၁၉) ဦး အတွက် (၃,၀၉၀,၀၀၀) ကျပ် တန်ဖိုးရှိ စာရေးကိရိယာများနှင့် ထောက်ပံငွေ (၁၄,၄၄၀,၀၀၀) ကျပ်ကို ပေးအပ်ခဲ့ရာ ဝန်ထမ်းများမှလည်း ယခုကဲ့သို့ ကုမ္ပဏီ၏ ပံ့ပိုးပေးမှုများအတွက် ကျေးဇူးအထူးတင်ရှိကြောင်း ပြန်လည်ပြောကြားခဲ့ကြသည်။